हनुमान चालीसा – Hanuman Chalisa

154

हनुमान चालीसा Hanuman Chalisa भक्ति का एक श्रेष्ठ माध्यम है। भक्ति भाव से इसका पाठ बहुत लाभदायक होता है।

हनुमान चालीसा 

Hanuman Chalisa

हनुमान चालीसा

***  <<  दोहा  >>***

श्री गुरु चरन सरोज रज , निज मनु मुकुरु सुधारि ।

बरनउँ रघुबर बिमल जसु , जो दायकु फल चारि ।।

बुद्धिहीन  तनु   जानिके   ,   सुमिरों   पवन  कुमार ।

बल  बुधि  विद्या देहु  मोहिं ,  हरहु  कलेस बिकार ।।

***<<  चौपाई  >>***

जय हनुमान ज्ञान गुण सागर ।  जय कपीस तिहुँ लोक उजागर । ।

राम  दूत  अतुलित  बल धामा । अंजनी  पुत्र  पवन  सुत  नामा । ।

महावीर   विक्रम  बजरंगी  ।  कुमति  निवार  सुमति  के  संगी । ।

कंचन  बरन  बिराज  सुवेसा  ।  कानन   कुंडल  कुंचित  केसा । ।

हाथ  वज्र   और   ध्वजा   विराजे  ।  काँधे   मूँज  जनेऊ  साजै  । ।

संकर   सुवन   केसरी  नंदन  ।  तेज  प्रताप  महा  जग  बन्दन । ।

विद्यावान   गुनी   अति   चातुर । राम  काज  करिबे को आतुर । ।

प्रभु चरित्र  सुनिबे  को रसिआ । राम लखन सीता मन बसिया । ।

सूक्ष्म रूप धरी सियहिं दिखावा । विकट रूप धरी लंक जरावा । ।

भीम  रूप  धरी  असुर   संहारे  ।  रामचन्द्र  के  काज  संवारे । ।

लाय संजीवन  लखन  जियाये ।  श्री  रघुवीर  हरषि उर लाये । ।

रघुपति कीन्ही बहुत बड़ाई । तुम मम प्रिय भरतहि सम भाई । ।

सहस्र  बदन  तुमरो  जस गावे । असकहि श्रीपति कंठ लगावै । ।

सनकादिक  ब्रह्मादी  मुनीसा ।  नारद सारद  सहित अहीसा । ।

जम कुबेर दिगपाल जहाँ ते । कबि कोबिद कही सके कहाँ ते । ।

तुम उपकार सुग्रीवहिं  कीन्हा । राम मिलाय राज पद दीन्हा । ।

तुम्हरो मन्त्र विभीषन माना । लंकेस्वर भए  सब जग जाना । ।

जुग सहस्त्र जोजन पर भानू । लील्यो ताहि मधुर फल जानु । ।

प्रभुमुद्रिका मेलि मुख माहीं। जलधि लाँघ गए अचरज नाही । ।

दुर्गम  काज  जगत के जेते ।  सुगम  अनुग्रह   तुम्हरे   तेते । ।

राम   दुआरे  तुम  रखवारे  ।  होत   न   आज्ञा  बिनु  पैसारे । ।

सब  सुख  लहै  तुम्हारी सरना । तुम  रक्षक  काहू को डरना । ।

आपन   तेज  सम्हारो   आपै ।  तीनो  लोक   हांक  ते  काँपें । ।

भूत  पिशाच  निकट नहीं आवैं । महावीर  जब  नाम सुनावै । 

नासै   रोग  हरै  सब  पीरा  ।  जपत  निरंतर  हनुमत  बीरा । ।

संकट तें  हनुमान  छुड़ावै । मन क्रम बचन  ध्यान जो लावै । ।

सब पर राम तपस्वी राजा । तिनके  काज सकल तुम साजा । ।

और  मनोरथ  जो  कोई लावै । सोई  अमित जीवन फल पावै । ।

चारों जुग  परताप तुम्हारा ।  है  परसिद्ध  जगत  उजियारा । ।

साधु  संत  के तुम  रखवारे  ।  असुर   निकंदन  राम  दुलारे । ।

अष्टसिद्धि नौ निधि के दाता । अस बर दीन जानकी माता । ।

राम   रसायन  तुम्हरे  पासा । सदा  रहो  रघुपति  के  दासा । ।

तुम्हरे भजन राम को पावै । जनम जनम  के दुःख बिसरावै । ।

अंत काल  रघुबर पुर जाई ।  जहाँ  जन्म  हरि भक्त  कहाई । ।

और  देवता  चित्त  न  धरई । हनुमत  सेई  सर्व  सुख  करई । ।

संकट  कटै  मिटे  सब   पीरा । जो  सुमिरै  हनुमत बलबीरा । ।

जै जै जै  हनुमान गोसाई ।  कृपा  करहु  गुरु  देव  की  नाईं । ।

जो  सत  बार  पाठ कर कोई । छूटहि  बंदि  महा  सुख  होई । ।

जो य ह पढ़े  हनुमान चालीसा । होय सिद्धि साखी गौरीसा । ।

तुलसीदास  सदा  हरि  चेरा  ।  कीजै   नाथ   ह्रदय  में  डेरा । ।

***<< दोहा >>***

पवन  तनय  संकट  हरन  , मंगल  मूरति रूप ।

राम लखन सीता सहित , हृदय बसहु सुर भूप ।।

******<<<<सियावर राम चन्द्र की जय >>>>*****

क्लिक करके पढ़ें ये आरती –

लक्ष्मी माता की आरती / शीतला माता की आरती / जय अम्बे गौरी…./ गणेश आरती / हनुमान आरती हनुमान चालीसा / संतोषी माता की आरती /  जय शिव ओमकारा…. शिव चालीसा / श्रीरामजी की आरतीदुर्गा चालीसा /शनिवार की आरती / गुरु जी की आरती / अहोई माता की आरती गणगौर के गीत

LEAVE A REPLY

Please enter your comment!
Please enter your name here